KTV

Trip ba ninyong mag-anak o magkakaibigan ang kumanta? Kung Oo, heto ang isang bagay na aking itatampok para inyong impormasyon - ang KTV.

Isa sa mga usong pagbo-bonding sa panahon ngayon ay ang pagvi-videoke o KTV na ang ibig sabihin ay Karaoke Television. Dahil sa KTV, hindi lamang kwentuhan ang kasama kundi pati na rin ang pag-eenjoy sa pagkanta.

Isa ang KTV bar na matatagpuan sa pusod ng Makati ang nagbibigay ng ganitong serbisyo. Sa halagang P75 sa isang tao, kayo ng inyong mga kapamilya o kapuso ay may 1 oras ng tsansa para maipakita ang inyong natatagong talento sa musika. May iba't ibang package pa din ito na maari ninyong subukan, nariyan ang P250 sa isang tao para sa 2 oras na may kasama ng pagkain at marami pang iba. Ang isang bucket naman ng San Mig light ay nagkakahalaga ng P140 at ang napakasarap nilang Calamares ay P175. Kung gusto mo namang magdagdag pa ng oras sapagkat kayo ay nag-enjoy ng todo, ang normal na presyo nalang na P75 ang inyong idadagdag.


Ganito ang nangyari sa akin at aking mga kasama kagabi hanggang kaninang umaga. Dahil sa sobrang enjoy, mula alas-onse ng gabi ay inabot kami ng alas-tres ng umaga sa pagkanta. Labindalawa kaming lahat at sobra naman kaming nag-enjoy. Ito ay matatagpuan sa Jupiter St., Bel-Air Village sa mismong building din ng Topgrill Family KTV. Malapit ito sa Pacific Star na matatagpuan sa pagitan ng Makati Avenue at Sen. Gil Puyat St., at mas lalong malapit ito sa Petron gasoline station. Nasa hilera ito ng KFC at Mcdo na katapat lang ng Petron.


Kaya kung gusto nyong mag-relax o mag-bonding ng inyong mga Kapamilya at Kapuso. At kung kayo ay malapit lamang sa lugar na ito, go na kayo. Kung malayo naman, bakit hindi nyo lamang subukan? Masisiguro kong inyo itong magugustuhan sapagkat hindi lamang maganda ang kanilang mga pasilidad, kumportable pa ito at masasarap ang pagkain.


Isang patakbong habol:
ala-singko ng umaga na ako umuwi dahil nagkape pa pagkatapos ;-)