Life-size dinosaurs at Pierre One, The Fort

Sa mismong Pierre One.

Galing kami ng mga kasama ko sa trabaho noong biyernes sa The Fort (after office hours) para kumuha ng litrato ng mga life-size dinosaurs na nakatayo sa pagitan ng Pierre One at Cafe Puccini.

Maganda ang naging dating ng mga dinosaurs at talaga namang naging mala-pambatang tourist spot ang nangyayari doon. Kaya naisipan kong dalhin ang aking kapatid doon noong linggo para naman makakita rin siya ng mga life-size dinosaurs. Tignan nyo ang litrato nya:


Magandang puntahan ang The Fort lalo tuwing gabi sapagkat buhay na buhay ang lugar. Syempre kasi, isa ito sa mga gimikan. Sa mga hindi nakaka-alam, dito matatagpuan ang pinaka-sikat at pinaka-kontrobersyal na Embassy Club - ang disco ng mga artista! Ngunit hindi lamang beer at bar ang marami sa The Fort sapagkat kung marami ang gimikan, mas marami ang kainan. Isa na rito ang Hossien's Kebab, Zong, Trio at iba pa. Dito mo rin matatagpuan ang Serendra kung saan nakatayo ang pangarap kong condominium.

Bukod pa rito, sa loob ng The Fort mo din matatagpuan ang Market! Market! na pagmamay-ari ng Ayala Land. Ang building ng Sony Ericsson, Deutsche Bank at Lawson. At sa dulo naman nito patungong Buendia, naroon ang mga pang-masang kainan tulad ng Chowking, Pizza Hut at Jollibee. Kaya kung hindi trip ng panlasa mo ang mga sosyal na pagkain, dito ka na sa mga pang-masa kumain.

Basta, napakalaki at napakaluwang ng The Fort. Subukan nyong tignan ang lugar upang makita nyo rin ang ipinagmamalaki ng Taguig. Para makita nyo rin ang mga naglalakihang dinosaurs... kung hindi nyo alam puntahan, sabihin nyo lang kay manong taxi driver The Fort, Taguig, sa may Pierre One.


P.S.
Walang jeep sa The Fort, kaya taxi talaga.
Pero... huwag itanim sa ulo na ang The Fort ay pang-mayaman lang. Pribado lamang ito at hindi sagrado kaya hindi ito bawal puntahan dahil lang sa wala kang sariling sasakyan...